我家的網友聚會

昨天一班從網上認識的朋友仔到我家玩玩, 非常熱鬧哦, 他們在我家廚房裡各自各精彩,炒的炒, 蒸的蒸, 焗的焗, 搓粉的搓粉…..相信是我家廚房入伙以來最哄動的一天了! 而我只是負責為他們遞上所需工具, 還有很感激愛蓮、 喵喵、 pigpig幫手洗碗, 我這個主人家很嘆呢, 呵呵….
Laam 同wingwing很有心的贊助我們聚會的食食, laam 做了芝士包包&stick 條條, wingwing 做了芒果布甸(冇影相), 由病病的o古o魯為我們帶來. 而喵喵就做了咖哩魚蛋和滷水雞翼。

病病的o古o魯做了台式三杯雞搥+豬扒兩件, 還特地買了一支百幾銀的高貴麻油來做的, 好香ga! Wai99做的芝士粟米餅餅&香噴噴pizza 。 mabel做的咖哩牛腩, 好好味!
奧利芙都好忙下, 佢一黎到就忙住整了兩個芝士三文魚&吞拿魚批, 又做了青bb+plumplum色中式沙律(其實係青瓜&蓮霧) 。幸福格仔餅做的鹽焗雞翼。
愛你一向都是做得最多食物的一個, 愛蓮話佢係我們的最大食品供應商, 哈哈! 叉燒包是愛你&大口青做的, 樣子和味道都比酒樓好! 椒鹽蝦原本愛你是用來做蝦多士給我們吃的, 因為時間關係就擱置了, 可惜! 青檸蛋白焦糖香蕉批批是愛你即場示範整的, 都有d複雜, 睇完了都唔係好識, 不過好好味! 煙肉薯蓉批亦是愛你的杰作。
愛蓮做的梅酒果凍, 清新感覺又帶點醉意! 愛你就快生日了, 香草蒜蓉焗龍蝦伊麵是特意為她而做的壽麵, 希望佢快高長大!! 美麗的花花是愛蓮送給我的。咖哩粉是pigpig送的, 佢話是特別好味和非一般的咖哩粉wor。

最遲來的stephanie就帶來了一個好好味的糖醋排骨, 一出場就被我們用極快的速度來殲滅了, 竟然食唔到位上鏡!! 當天我還示範了做一個心形的puff； 喵喵&幸福格仔餅就示範了做壽包, 實在時太充實了!!
後補番stephanie糖醋排骨 & wingwing芒果布甸相相先!